Fylgstu með OKKUR
Málefnin
|
Traust fjármálastjórn byggir betri bæÁbyrg fjármálastjórn er grunnurinn að góðri þjónustu og uppbyggingu. Við höfum unnið okkur út úr skuldasöfnun fortíðar og þau hagstjórnarmistök mega ekki endurtaka sig. Setjum skýrar fjármálareglur svo framkvæmdir haldist innan ramma. Á undanförnum árum hafa 23 milljarðar farið í framkvæmdir, þar af hafa 74% verið fjármögnuð með eigin fé. Þannig tryggjum við stöðugleika og svigrúm til frekari uppbyggingar.
|
Fallegra umhverfi og
|
|
|
Öflugt íþrótta- og tómstundastarfHröðum uppbyggingu íþróttamannvirkja og styrkjum rekstur íþrótta- og tómstundafélaga. Nýtt fimleikahús rís fyrir 2029 og æfingavellir verða klárir 2028. Félög fá 10.000 kr. styrk á hvern iðkanda og greiðslur frá nágrannasveitarfélögum með börnum sem ekki eru búsett í bæjarfélaginu verða tryggðar sem renna til félaganna. Markmiðið er fjölbreytt og aðgengilegt íþrótta- og tómstundastarf fyrir alla iðkendur.
|
besti bærinn til að ala upp börnLækkum kostnað fyrir barnafjölskyldur og einföldum daglegt líf. Greiðslur til dagforeldra verða samræmdar leikskólagjöldum og lækkaðar um 43 þúsund á mánuði. Frístund verður gjaldfrjáls fyrir 1. bekk og frístundastyrkur hækkaður í 75 þúsund og mun ná til 2 ára barna. Við eflum skólaþjónustu og tryggjum stuðning við börn til 18 ára aldurs. Þannig styrkjum við tækifæri allra barna og stöndum enn betur með barnafjölskyldum í Reykjanesbæ.
|
|
Bætt ímynd og öflugra menningarlífEflum ímynd Reykjanesbæjar og styðjum viðburði fyrir alla íbúa. Aukum stuðning við menningu, afþreyingu og fjölskylduvæna viðburði. Bætum aðgengi að húsnæði bæjarins og veitum skýrari upplýsingar. Byggjum upp lifandi og aðlaðandi samfélag þar sem áherslan er á samráð við íbúa og óskum þeirra mætt.
|
|
|
Blómlegur bær fyrir eldra fólkRjúfum félagslega einangrun og eflum lífsgæði eldra fólks. Eldri íbúar eru mikilvæg auðlind og þeir eiga að fá rými til að njóta sín. Byggjum upp öfluga tómstundamiðstöð fyrir eldra fólk sem verður lifandi samkomustaður. Þar skapast tækifæri til virkni, tengsla og aukinna lífsgæða.
|
Sterkari þjónusta með fjölskyldusviðiSameinum velferðar- og fræðslumál undir einu fjölskyldusviði. Þannig verður þjónustan einfaldari, samhæfðari og skilvirkari. Setjum aukna áherslu á forvarnir, lýðheilsu og tómstundir. Markmiðið er að mæta þörfum þar sem heildræn nálgun tryggir betri aðbúnað barna og allra íbúa.
|
|
|
Aukinn stuðningur við húsbyggjendurLækkum þröskuldinn fyrir fólk sem vill byggja sér sitt eigið húsnæði. Í dag þurfa þau sem vilja byggja sér einbýlishús að leggja fram um 17 milljónir í gjöld áður en hægt er að hefjast handa. Lækkum eða frestum gjöldum á einbýlishúsalóðum sem ekki hefur verið úthlutað. Þannig auðveldum við fólki fyrstu skrefin og aukum fjölbreytni á húsnæðismarkaði.
|
Sterkara atvinnulíf og samfélagsleg ábyrgðVerðlaunum fyrirtæki sem sýna samfélagslega ábyrgð og styrkja nærumhverfið. Með góðum rekstri getum við laðað fleiri fyrirtæki til bæjarins. Reykjanesbær hefur sterka innviði, góðar hafnir og nálægð við alþjóðaflugvöll. Við ætlum að nýta þessi tækifæri enn betur.
|
|
|
Öflug hagsmunagæsla fyrir ReykjanesbæSetjum hagsmuni bæjarbúa í fyrsta sæti. Stöndum gegn einhliða ákvörðunum stjórnvalda í málefnum hælisleitenda. Þrýstum á uppbyggingu lykilinnviða: aðstöðu fyrir Landhelgisgæsluna, nýja heilsugæslu í Innri-Njarðvík og stækkun fyrir verk- og bóknám við Fjölbrautaskóla Suðurnesja. Markmiðið er skýrt; öflugri hagsmunagæsla og betri þjónusta fyrir íbúa.
|
fRAMSÓKN REYKJANESBÆ
Sveitarstjórnarkosningar 2026 I Persónuverndarstefna