|
|
FORSTÖÐUMAÐUR BJARGARINNAR
Díana Hilmarsdóttir er forstöðumaður í Björginni geðræktarmiðstöð Suðurnesja, með BA í félagsráðgjöf og MS í geðheilbrigðisfræði. Hún hefur starfað í velferðargeiranum undanfarin 17 ár.
Díana er 49 ára, gift Önundi Jónassyni véltæknifræðingi og saman eiga þau þrjú börn. Þau eiga von á sínu fyrsta barnabarni í júní og hlakka mikið til. Díana er uppalin í Ólafsvík og Garðabæ en hefur búið í Reykjanesbæ í 26 ár. Hér á hún sitt heimili og hér vill hún sjá samfélagið sitt dafna áfram. Með reynslu sinni úr velferðarmálum og bæjarpólitík hefur Díana kynnst fjölbreyttum hópi fólks og fengið dýrmæta innsýn í ólíkar aðstæður íbúa. Sú reynsla hefur styrkt hana í þeirri sannfæringu að við þurfum öfluga og aðgengilega þjónustu fyrir alla.
Díana brennur fyrir sterku og fjölbreyttu samfélagi þar sem allir fá tækifæri til að blómstra. Öflugt atvinnulíf skiptir þar lykilmáli, með fjölbreyttum störfum fyrir fólk með ólíkan bakgrunn og hæfni.
Íþrótta- og tómstundastarf er ein öflugasta forvörnin sem hægt er að hafa fyrir börn og
ungmenni. Þar má ekki slaka á. Díana vill tryggja gott aðgengi og áframhaldandi uppbyggingu.
Börn, fjölskyldur og geðheilbrigði fólks á öllum aldri eru henni sérstaklega kær mál. Díana leggur áherslu á snemmtækan stuðning og raunhæf úrræði sem skipta máli í lífi fólks.
Áhugamál Díönu eru ferðalög og góð samvera með fjölskyldu og vinum. Hún les mikið og tónlist skiptir hana miklu máli, country er í miklu uppáhaldi hjá henni núna. Fótboltinn er svo alltaf með, hún heldur með Liverpool og getur auðveldlega eytt heilum dögum í að fylgjast með enska boltanum.
Sturluð staðreynd: Díana er alger múltítaskari en gleymir reglulega hvar hún lagði símann frá
sér og finnur hann svo á ólíklegustu stöðum.
Díana skipar 3. sæti á lista Framsóknar í Reykjanesbæ fyrir sveitarstjórnarkosningar 16. maí næstkomandi.
Díana er 49 ára, gift Önundi Jónassyni véltæknifræðingi og saman eiga þau þrjú börn. Þau eiga von á sínu fyrsta barnabarni í júní og hlakka mikið til. Díana er uppalin í Ólafsvík og Garðabæ en hefur búið í Reykjanesbæ í 26 ár. Hér á hún sitt heimili og hér vill hún sjá samfélagið sitt dafna áfram. Með reynslu sinni úr velferðarmálum og bæjarpólitík hefur Díana kynnst fjölbreyttum hópi fólks og fengið dýrmæta innsýn í ólíkar aðstæður íbúa. Sú reynsla hefur styrkt hana í þeirri sannfæringu að við þurfum öfluga og aðgengilega þjónustu fyrir alla.
Díana brennur fyrir sterku og fjölbreyttu samfélagi þar sem allir fá tækifæri til að blómstra. Öflugt atvinnulíf skiptir þar lykilmáli, með fjölbreyttum störfum fyrir fólk með ólíkan bakgrunn og hæfni.
Íþrótta- og tómstundastarf er ein öflugasta forvörnin sem hægt er að hafa fyrir börn og
ungmenni. Þar má ekki slaka á. Díana vill tryggja gott aðgengi og áframhaldandi uppbyggingu.
Börn, fjölskyldur og geðheilbrigði fólks á öllum aldri eru henni sérstaklega kær mál. Díana leggur áherslu á snemmtækan stuðning og raunhæf úrræði sem skipta máli í lífi fólks.
Áhugamál Díönu eru ferðalög og góð samvera með fjölskyldu og vinum. Hún les mikið og tónlist skiptir hana miklu máli, country er í miklu uppáhaldi hjá henni núna. Fótboltinn er svo alltaf með, hún heldur með Liverpool og getur auðveldlega eytt heilum dögum í að fylgjast með enska boltanum.
Sturluð staðreynd: Díana er alger múltítaskari en gleymir reglulega hvar hún lagði símann frá
sér og finnur hann svo á ólíklegustu stöðum.
Díana skipar 3. sæti á lista Framsóknar í Reykjanesbæ fyrir sveitarstjórnarkosningar 16. maí næstkomandi.