STEFNUSKRÁ
Traust fjármálastjórn byggir betri bæ
Ábyrg fjármálastjórn er grundvöllur uppbyggingar, þjónustu og velferðar íbúa. Það hefur tekið sinn tíma að komast út úr skuldasöfnun fortíðar og slíkur halli má aldrei raungerast aftur.
Framsókn mun innleiða fjármálareglur svo tryggt sé að málaflokkar og framkvæmdir verði innan fjárhagsramma. Reykjanesbær hefur á undanförnum árum framkvæmt fyrir 23 milljarða og hefur 74% þeirra framkvæmda verið fjármagnað með eigin fé. Þannig á góð fjármálastjórn að vera.
Framsókn mun innleiða fjármálareglur svo tryggt sé að málaflokkar og framkvæmdir verði innan fjárhagsramma. Reykjanesbær hefur á undanförnum árum framkvæmt fyrir 23 milljarða og hefur 74% þeirra framkvæmda verið fjármagnað með eigin fé. Þannig á góð fjármálastjórn að vera.
Reykjanesbær - besti bærinn til að ala upp börn
Framsókn lækkar kostnað og einfaldar barnafjölskyldum lífið með því að samræma greiðslur til dagforeldra til jafns við leikskólagjöld. Lækkunin fyrir foreldra sem nýta sér þjónustu dagforeldra nemur 43 þúsund krónum á mánuði.
Framsókn gerir frístundaheimili gjaldfrjáls fyrir börn í fyrsta bekk grunnskóla og tryggir þannig aðgang óháð efnahagslegri stöðu og eykur svigrúm foreldra til að nýta þjónustuna. Lækkun fyrir foreldra nemur 24 þúsund krónum á mánuði. Frístundastyrkur verður hækkaður í 75 þúsund krónur og aldursviðmið verður lækkað og mun ná til 2 ára barna.
Framsókn mun efla skólaþjónustu og tryggja eftirfylgni með nemendum þar til þau hafa náð 18 ára aldri. Þannig verður dregið enn frekar úr brotthvarfi og komið til móts við þarfir ungmenna.
Framsókn gerir frístundaheimili gjaldfrjáls fyrir börn í fyrsta bekk grunnskóla og tryggir þannig aðgang óháð efnahagslegri stöðu og eykur svigrúm foreldra til að nýta þjónustuna. Lækkun fyrir foreldra nemur 24 þúsund krónum á mánuði. Frístundastyrkur verður hækkaður í 75 þúsund krónur og aldursviðmið verður lækkað og mun ná til 2 ára barna.
Framsókn mun efla skólaþjónustu og tryggja eftirfylgni með nemendum þar til þau hafa náð 18 ára aldri. Þannig verður dregið enn frekar úr brotthvarfi og komið til móts við þarfir ungmenna.
Öflug hagsmunagæsla með hagsmunaráði
Framsókn setur hagsmunagæslu íbúa í Reykjaesbæjar í fyrsta sæti. Framsókn mun standa gegn einhliða ákvörðunum stjórnvalda í málefnum hælisleitenda, vinna markvisst að uppbyggingu á aðstöðu fyrir skipastól Landhelgisgæslunnar í Njarðvíkurhöfn, nýrri heilsugæslustöð HSS í Innri-Njarðvík og viðbyggingu fyrir bæði verknám og bóknám við Fjölbrautaskóla Suðurnesja.
Blómlegur bær fyrir eldra fólk
Félagsleg einangrun er ein stærsta áskorun sem eldra fólk getur staðið frammi fyrir. Eldra fólk er auðlind og samfélagið á að skapa rými fyrir reynslu, þekkingu og framlag þess. Þegar fólk hættir störfum eða missir maka getur tengslanet horfið á skömmum tíma. Framsókn mun snúa þeirri þróun við með því að byggja upp öfluga tómstundamiðstöð fyrir eldra fólk í Reykjanesbæ til að auka virkni, félagslega þátttöku og vellíðan. Hún verður lifandi miðpunktur.
Sterkari þjónusta og meiri skilvirkni með fjölskyldusviði
Ný farsældarlög kalla á aukið svigrúm og samþættingu til þess að vinna að málefnum íbúa á heildstæðari hátt á sviði velferðar- og fræðslumála. Framsókn mun stofna fjölskyldusvið og sameina þar undir velferðarmál og fræðslumál. Íþrótta-og tómstundamál verða efld með aukna áherslu á forvarnir, lýðheilsu, stuðningi við íþróttafélög og uppbyggingu íþróttamannvirkja.
Fallegra umhverfi og skýrari sýn í skipulagsmálum
Íbúaþróun og gríðarleg uppbygging hefur leitt af sér verulegan þrýsting á umhverfis-og skipulagsmál í Reykjanesbæ. Framsókn mun gera breytingar á umhverfis- og framkvæmdasviði. Skipulagsmál verða efld með aukinni áherslu á leiðbeiningarskyldu, útboðs á lausum lóðum og eftirfylgni framkvæmda.
Umhverfissviði verður falið að uppfæra nýja framtíðarstefnu í umhverfismálum sem tekur sérstaklega til eflingar grænna svæða, fegrunar, gróðursetningar, viðhalds og útivistarsvæða. Vinnuskólinn verður útvíkkaður til þess að fegrun bæjarins verði markvissari og ungmenni fái tækifæri til þess að starfa lengur yfir sumarið.
Umhverfissviði verður falið að uppfæra nýja framtíðarstefnu í umhverfismálum sem tekur sérstaklega til eflingar grænna svæða, fegrunar, gróðursetningar, viðhalds og útivistarsvæða. Vinnuskólinn verður útvíkkaður til þess að fegrun bæjarins verði markvissari og ungmenni fái tækifæri til þess að starfa lengur yfir sumarið.
uppbygging íþróttamannvirkja og FÉLAGSMIÐSTÖÐVAR Í ÖLL HVERFI
Framsókn mun hraða uppbyggingu íþróttamannvirkja og styrkja rekstur íþróttafélaga. Nýtt fimleikahús verður byggt og tekið í notkun árið 2029. Markmiðið er að fimm nýir æfingavellir fyrir knattspyrnudeildir verði tilbúnir 2028. Framsókn mun veita þjónustuaðilum á sviði íþrótta-og tómstundamála 10.000 kr. rekstrarstyrk á ári með hverjum iðkanda.
Framsókn mun tryggja samninga um greiðsluþátttöku nágrannasveitarfélaga með börnum sem æfa íþróttir í Reykjanesbæ en eru ekki búsett í bæjarfélaginu. Sú leiðrétting mun renna til félaganna. Stuðningurinn mun efla íþrótta-og tómstundahreyfinguna í Reykjanesbæ til muna. Markmiðið er að skapa fjölbreytt, aðgengilegt og sjálfbært íþrótta-og tómstundastarf fyrir alla. Tryggjum að Reykjanesbær standi undir nafni sem íþróttabær Íslands.
Framsókn mun tryggja félagsmiðstöðvar í öll hverfi bæjarins á kjörtímabilinu og innleiða tómstundastefnu Reykjanesbæjar.
Framsókn mun tryggja samninga um greiðsluþátttöku nágrannasveitarfélaga með börnum sem æfa íþróttir í Reykjanesbæ en eru ekki búsett í bæjarfélaginu. Sú leiðrétting mun renna til félaganna. Stuðningurinn mun efla íþrótta-og tómstundahreyfinguna í Reykjanesbæ til muna. Markmiðið er að skapa fjölbreytt, aðgengilegt og sjálfbært íþrótta-og tómstundastarf fyrir alla. Tryggjum að Reykjanesbær standi undir nafni sem íþróttabær Íslands.
Framsókn mun tryggja félagsmiðstöðvar í öll hverfi bæjarins á kjörtímabilinu og innleiða tómstundastefnu Reykjanesbæjar.
Uppbyggingarhvatar og fjölbreytt búsetuform
Það heyrir til tíðinda ef einstaklingar byggja sér hús í Reykjanesbæ. Mikilvægt er að styðja við fjölbreytta íbúasamsetningu en tugum einbýlishúsalóða er enn óúthlutað. Í dag þarf venjuleg fjölskylda að finna allt að 17 milljónir áður en hún byrjar að byggja einbýlishús.
Framsókn mun fjarlægja þann þröskuld og innleiða uppbyggingarhvata til að fjölga umsóknum um auðar einbýlishúsalóðir fyrir einstaklinga sem vilja byggja sitt eigið húsnæði með því að lækka eða fresta gjöldum á þeim lóðum. Leiðin léttir atorkusömu fólki fyrstu skrefin, lækkar byggingarkostnað og eykur fjölbreytni á húsnæðismarkaði í Reykjanesbæ.
Framsókn mun fjarlægja þann þröskuld og innleiða uppbyggingarhvata til að fjölga umsóknum um auðar einbýlishúsalóðir fyrir einstaklinga sem vilja byggja sitt eigið húsnæði með því að lækka eða fresta gjöldum á þeim lóðum. Leiðin léttir atorkusömu fólki fyrstu skrefin, lækkar byggingarkostnað og eykur fjölbreytni á húsnæðismarkaði í Reykjanesbæ.
Samfélagsleg ábyrgð fyrirtækja metin að verðleikum
Framsókn mun setja á laggirnar samstarfsverkefni og verðlauna fyrirtækin okkar sem sýna samfélagslega ábyrgð enda eru þau hornsteinn blómlegs atvinnulífs og velferðar. Þannig byggjum við upp enn sterkara samfélag í sameiningu. Með auknu svigrúmi og góðum rekstri gefst tækifæri til að efla markaðs-og atvinnumál enn frekar. Framsókn mun þannig sækja fleiri innlend og alþjóðleg fyrirtæki til bæjarfélagsins.
Tækifærin eru mikil. Lóðaframboð fyrir fjölbreytta starfsemi er nægt. Stutt er í góðar hafnir, alþjóðaflugvöll og góðir innviðir til staðar. Það er okkar að kynna þessi tækifæri og fjölga enn frekar stoðunum undir blómlegt atvinnulíf.
Tækifærin eru mikil. Lóðaframboð fyrir fjölbreytta starfsemi er nægt. Stutt er í góðar hafnir, alþjóðaflugvöll og góðir innviðir til staðar. Það er okkar að kynna þessi tækifæri og fjölga enn frekar stoðunum undir blómlegt atvinnulíf.
Samræmum lóðaleigu OG jöfnum leikinn
Fjórir mismunandi aðilar eiga land innan bæjarmarka Reykjanesbæjar. Bæjarsjóður, einstaklingar, landeigendafélög og ríkissjóður. Upphæð lóðaleigu er misjöfn og lóðaleigusamningar einnig. Framsókn ætlar að stuðla að því að Reykjanesbær eignist land innan bæjarmarka yfir tíma og gjaldskrá verði samræmd, gagnsæ og öllum ljós.
Markmiðið er að móta leið til dæmis með stofnun lóðasjóðs þar sem bæjarfélagið býðst til að kaupa land á fyrirfram skilgreindu verði þar sem jafnræðis verði gætt. Það er sanngirnismál fyrir alla fasteignaeigendur í Reykjanesbæ.
Markmiðið er að móta leið til dæmis með stofnun lóðasjóðs þar sem bæjarfélagið býðst til að kaupa land á fyrirfram skilgreindu verði þar sem jafnræðis verði gætt. Það er sanngirnismál fyrir alla fasteignaeigendur í Reykjanesbæ.
Bætum ímynd Reykjanesbæjar og styrkjum viðburði
Framsókn mun bæta ímynd og sýnileika Reykjanesbæjar og efla viðburði fyrir almenna íbúa. Við munum efla markaðssetningu bæjarins sem bæði áfangastaðar og heimabæjar. Við ætlum að opna enn frekar fyrir að aðgang að húsnæði bæjarins til afþreyingar og sköpunar.
Framsókn mun auka stuðning við menningarsamninga og leggja áherslu á framboð sem höfðar sérstaklega til almennra íbúa, þar á meðal barna, ungmenna og fjölskyldna, og tryggja að upplýsingar um allt sem er í boði sé skýrt og aðgengilegt á einum stað. Framsókn um móta skýra stefnu með aðkomu íbúa, hlusta á þær óskir og framkvæma þær.
Framsókn mun auka stuðning við menningarsamninga og leggja áherslu á framboð sem höfðar sérstaklega til almennra íbúa, þar á meðal barna, ungmenna og fjölskyldna, og tryggja að upplýsingar um allt sem er í boði sé skýrt og aðgengilegt á einum stað. Framsókn um móta skýra stefnu með aðkomu íbúa, hlusta á þær óskir og framkvæma þær.