Jöfnum leikinn - Heilsugæsluna í lag
Samfélagið í Reykjanesbæ hefur lengi barist fyrir því að njóta aðgengilegrar grunnheilbrigðisþjónustu í heimabyggð. Bæjarbúar hafa því miður ekki notið hennar sem sést meðal annars á því að fjöldinn allur hefur skráð sig í þjónustu annars staðar á landinu. Heilbrigðisstofnun Suðurnesja býr að vel menntuðum og hæfum mannauði sem vill samfélaginu vel. Nýlega gaf forstjóri stofnunarinnar og landlæknir það út að þar sem nú sæi fyrir endann á viðamiklum skipulagsbreytingum væri loksins tækifæri til að leita samstarfs við samfélagið um uppbyggingu starfseminnar. Framsókn í Reykjanesbæ vill stíga af krafti inn í þennan samstarfstón og leita allra leiða til að tryggja þau sjálfsögðu réttindi að bæjarbúar njóti öflugrar heilbrigðisþjónustu í heimabyggð.
- Leiðum samtalið við HSS og vinnum saman að því markmiði að efla heilbrigðisþjónustu.
- Ný heilsugæsla í Reykjanesbæ, öflugri þjónusta í nærsamfélaginu.
- Samstarf um aðgengi að sálfræðiþjónustu HSS, styttum biðlista og eflum heildræna samvinnu í velferðarmálum.
- Endurnýjun á núverandi aðstöðu heilsugæslunnar er forgangsmál sem þarf að ýta á eftir.
- Setjum aukinn kraft og áherslu á innleiðingu velferðartækni í þjónustu.
- Tryggjum áframhaldandi farsælt samstarf heimahjúkrunar HSS og heimaþjónustu sveitarfélagsins.
- Tryggjum byggingu nýs hjúkrunarheimilis í Reykjanesbæ og hefjum strax undirbúning að því næsta.
- Framsókn í Reykjanesbæ horfir ekki eingöngu til HSS í leit að lausnum. Einkarekstur á réttum forsendum getur verið raunhæfur valkostur líkt og sést annars staðar á landinu. Við teljum að blönduð rekstrarleið sé skynsamleg.