Þetta erum við!

Framboðslisti Framsóknar til sveitarstjórnarkosninga í Reykjanesbæ 2026 

1. sæti

Halldóra Fríða Þorvaldsdóttir

2. sæti

RÓBERt JÓHANN
​GUÐMUNDSSON

3. sæti

Díana
​hilmarsdóttir

4. sæti

BIRGIR MÁR
BRAGAson

5. sæti

HALLA KAREN
GUÐJÓNSDÓTTIR

6. sæti

sighvatur
​jónsson

GUNNAR jón ÓLAFSSON

VERKEFNASTJÓRI ELDVARAREFTIRLIS HJÁ BS
​7.sæti

Gunnar Jón Ólafsson er 46 ára verkefnastjóri hjá Brunavörnum Suðurnesja.

Hann er giftur Margréti Ósk Heimisdóttur grunnskólakennara.  Þau eiga tvö börn 19 og 25 ára og eitt  barnabarn.

Gunnar er búin að vinna hjá Brunavörnum Suðurnesja í 23 ár lengst af á vakt. En 2019 tók Gunnar við starfi sem verkefnastjóri í eldvarnaeftirlit og forvörnum

Sturluð staðreynd: Gunnar fór eitt sumar í sveit þegar hann var í grunnskóla síðan þá fékk hann viðurnefnið Gunni bóndi sem lifir enn í dag.

​Gunnar Jón skipar 7. sæti á lista Framsóknar í Reykjanesbæ fyrir sveitarstjórnarkosningar 16. maí næstkomandi.

EVA STEFÁNDSDÓTTIR

DEILDARSTJÓRI HJÁ VEITUM
8.sæti

Eva Stefansdottir er deildarstjóri fjàrfestinga hjá Veitum og með B.Sc. í viðskiptafræði og MBA gráðu frá Háskóla Íslands.

Eva er gift Örvari Þór Sigurðssyni hönnunarstjóra hjá Kaptio. Saman eiga þau tvö börn, Dag Stefán 19 ára og Iðunni Rós 16 ára. 

Eva brennur fyrir þeirri uppbyggingu sem þarf í ört stækkandi samfélagi. Það þurfi að tryggja að innviðir og þjónusta haldi í við stækkandi samfélag, það gerist ekki af sjálfu sér. Það sem henni finnst skipta máli er skýr forgangsröðun, markviss stefnumótun og ábyrg fjármálastýring. Þar kem Eva inn með sterka reynslu úr atvinnulífinu af því að ná árangri og leiða verkefni þar er hún klár í að leggja sitt af mörkum.

Sturluð staðreynd: Þegar Eva var eitt ár í Bandaríkjunum ákvað hún eftir körfuboltatímabilið að prófa eitthvað nýtt og skráði sig í frjálsar íþróttir. Af öllum greinum endaði hún í kringlukasti og kúluvarpi- og mætti meira að segja á mót fyrir hönd skólans. Segjum bara að það hafi ekki rignt inn tilboðum frá háskólum í kringlukasti eftir þetta- en Eva hins vegar skemmti sér konunglega.

Eva Stefánsdóttir skipar 8. sæti á lista Framsóknar í Reykjanesbæ fyrir sveitarstjórnarkosningar 16. maí næstkomandi.

ÞÓRARINN DARRI ÓLAFSSON

HÁSKÓLANEMI OG LEIÐBEINANDI
​9.sæti

Þórarinn Darri er 22 ára og starfar sem leiðbeinandi í leikskóla ásamt því að vera varamaður í menntaráði. Hann mun útskrifast úr sálfræðinámi frá Háskólanum í Reykjavík núna í vor.

Þórarinn Darri er í framboði vegna þess að hann vill bæta menntakerfið og tryggja að öll börn og ungmenni fái þann stuðning sem þau þurfa. 
​
Hann brennur fyrir menntamálum, sérstaklega heilsu barna og þjónustu við börn með sérþarfir. Í dag þurfa mörg börn og fjölskyldur að bíða lengi eftir stuðningi og er aðgengið að þjónustu erfitt.

Þórarinn Darri vil leggja áherslu á að styrkja stuðning í skólum, bæta aðgengi að sérfræðingum og tryggja að börn fái hjálp fyrr. Ásamt því að þjónustu fyrir börn og ungmenni sé viðhaldið.

Hans helstu áhugamál eru dans, ferðalög og góð samvera með vinum og fjölskyldu.

Sturluð staðreynd: Þórarinn Darri er með einn leyndan hæfileika, hann getur hreyft á sér eyrun.

Þórarinn Darri skipar 9. sæti á lista Framsóknar í Reykjanesbæ fyrir sveitarstjórnarkosningar 16. maí næstkomandi.

HEKLA SIF INGVADÓTTIR

FRAMHALDSSKÓLANEMI
​10.sæti

Hekla Ingvadóttir er nemandi á þriðja ári í Fjölbrautaskóla Suðurnesja á viðskipta- og hagfræðibraut og er að útskrifast í vor. Hún er gjaldkeri nemendafélags FS og vinnur sem leiðbeinandi í Skjólinu.

Hún brennur fyrir málum ungra í samfélaginu og vill standa fyrir breytingum og telur að þátttaka í samfélaginu sé það mikilvægasta.

Hekla Sif æfði dans í þó nokkur ár og keppti á nokkrum heimsmeistaramótum, henni finnst fátt betra en að skíða og ferðast með fjölskyldu og vinum.

Sturluð staðreynd: Hekla Sif á tvíburasystur

​Hekla Sif skipar 10. sæti á lista Framsóknar í Reykjanesbæ fyrir sveitarstjórnarkosningar 16. maí næstkomandi.

SIGURÐUR GUÐJÓNSSON

FRAMKVÆMDASTJÓRI OG BÍLASALI
​11.sæti

Sigurður Guðjónsson er  51 árs framkvæmdastjóri og fjölskyldufaðir. Hann á og rekur Bílasölu Reykjaness ásamt því að eiga og reka Keflavík ehf. Sigurður hefur verið í rekstri meira og minna frá aldamótum og þekkir því vel til á því sviði. Margir af hans bestu vinum koma úr félagsstarfi en hann var á árum áður virkur í skátafélaginu Heiðabúum og Björgunarsveitinni Suðurnes. Hann er einnig vel virkur í Round Table og Rótary hreyfingunum. Sigurður situr í sóknarnefnd Keflavíkurkirkju og er varaformaður Framsóknar í Reykjanesbæ.

Sigurður kom inn á lista Framsóknar árið 2018 og tók þá sæti í stjórn Reykjaneshafnar. Frá þeim tíma hefur rekstur hafnarinnar snúist við, frá því að vera sú skuldugasta á landinu yfir í það að vera á réttu róli og nú er verið að framkvæma dýpkanir og varnargarða fyrir eigið fé ásamt því að sinna daglegum rekstri. Stjórnin hefur komið Keflavíkurhöfn á kort skemmtiferðaskipa og á sama tíma kynnt Reykjanesið sem álitlegan kost á því sviði. Um leið hefur verið farið í gagngerar skipulagsbreytingar og raunveruleg framtíðarsýn á verkefninu mótuð. Um mitt þetta kjörtímabil tók stjórn hafnarinnar yfir atvinnumál Reykjanesbæjar, markaði stefnu og einfaldaði verkferla til þess að greiða leið tækifæra til svæðisins, þar má ekki sofna á verðinum.

Sigurður hefur lagt áherslu á þessa vinnu fyrir Framsókn, að vinna fyrir samfélagið og íbúa þess og það hefur alltaf verið hans leiðarljós og þar verður engin breyting á.
Reykjanesbær er góður bær til að búa í með mörgum mismunandi hverfum með mismiklar þarfir sem þarf að vinna í að halda áfram að bæta.

Áhugamál Sigurðar eru sveitin en hann á lítið afdrep upp í Borgarfirði við vatn og þar er gott að fara og endurnæra huga og sál við útiveru og huga að náttúrunni. Hann hefur gaman af því að dúttla með hin ýmsu smíðaverkfæri og jafnvel að kasta fyrir fisk eða rúlla um þá fjölda slóða sem eru á svæðinu.

Sturluð staðreynd: Sigurður lofar að höfnin verði áfram blaut! Kostningarloforð hans frá því fyrir 4 árum stendur enn.

Sigurður skipar 11. sæti á lista Framsóknar í Reykjanesbæ fyrir sveitarstjórnarkosningar 16. maí næstkomandi.

ásta maría guðmundsdóttir

forstöðumaður
​12. sæti

Ásta María Guðmundsdóttir er 42 ára Bolvíkingur, með BA gráðu í félagsráðgjöf og stefnir á að ljúka MA gráðu í forystu og mannauðsstjórnun nú í haust. Hún er einnig vottaður markþjálfi. Í dag starfar hún sem forstöðumaður Íþróttamiðstöðvarinnar í Vogum og verkefnastjóri Heilsueflandi samfélags en starfaði áður sem lögreglumaður og ráðgjafi í barnavernd.

Ásta María er í sambúð með Elíasi Þór og á tvær dætur, Signýju f. 2007 og Guðdísi Malín f. 2011 og tvö bónusbörn, Ísabellu Ýr f. 2005 og Alexander Ísak f. 2006.

Í sveitarstjórnakosningunum í vor vill hún leggja sérstaka áherslu á lýðheilsu og forvarnir, öflugt íþrótta- og tómstundastarf og að skapa umhverfi þar sem allir íbúar hafa tækifæri til að hreyfa sig og taka þátt. Hún myndi vilja bæta umferðaröryggi og umferðaflæði, tryggja skýra forgangsröðun í vegaframkvæmdum og leggja áherslu á fegrun bæjarins og góða aðstöðu til útivistar. Öflugt menningarlíf er líka ofarlega á hennar lista með áherslu á að styðja við fjölþætt menningarstarf áhuga- og atvinnufólks sem er hluti af því að skapa félagsauð og tækifæri til upplifana og samveru.

Henni finnst mikilvægt að sveitarfélagið sé rekið af ábyrgð, með skýra sýn og góða nýtingu fjármuna. Ásta María vill sjá áherslu á starfsfólk sveitarfélagsins og tryggja því gott vinnuumhverfi. Hún trúir á hagnýtar lausnir, gott samstarf og ákvarðanir sem byggja á þörfum íbúa, ekki bara í orðum heldur með því að framkvæma.

Ásta María elskar að fara á skíði – bæði svigskíði og gönguskíði, helst í Tungudal í faðmi vestfirsku alpanna. Hreyfing af öllu tagi og góð saunastund er gulls ígildi og fátt betra en góðar samverustundir í hópi öflugra kvenna.

Sturluð staðreynd: Ásta María elskar ekki kóríander. Kóríander bragðast eins og sápa.

Ásta María skipar 12. sæti á lista Framsóknar í Reykjanesbæ fyrir sveitarstjórnarkosningar 16. maí næstkomandi.

HRAFNKELL FREYR ÁGÚSTSSON

MÁLARI
​13.sæti

Hrafnkell Freyr Ágústsson er 35 ára starfandi málari sem lærði í Tækniskólanum. Hann hefur starfað mikið í fjölmiðlum í gegnum tíðina hvort sem er í blaðamennsku, hlaðvarpinu Dr. football eða sjónvarpi og gerir enn þó það sé algjört hlutastarf. Hann flutti með kærustu sinni, Sigurrós Eir í Reykjanesbæ árið 2020 en þar er hún fædd og uppalin, saman eiga þau 2 börn þau Baldvin Mána og Viktoríu Rós sem bæði eru á leikskólaaldri.

Húsamálun og íþróttir hafa alltaf verið ástríða Hrafnkels Freys og þá aðallega fótbolti, hann fylgist einnig mikið með körfubolta og golfi sem hann er nýlega byrjaður að stunda aftur eftir 20 ára pásu. Áhugamál hans eru íþróttir.

Sturluð staðreynd: Hrafnkell Freyr er úr vinahóp þar sem aðeins einn hefur lokið stúdentsprófi en það hefur allt blessast og rúmlega það.

​Hrafnkell Freyr skipar 13. sæti á lista Framsóknar í Reykjanesbæ fyrir sveitarstjórnarkosningar 16. maí næstkomandi.

BIRNA ÓSK ÓSKARSDÓTTIR

AÐSTOÐARSKÓLASTJÓRI STAPASKÓLA
​14.sæti

Birna Ósk Óskarsdóttir er nýorðin fertug og mikil stemmningskona. Hún er gift Inga Þór Þórissyni og saman eiga þau þrjú börn. Hún er grunnskólakennari að mennt og starfar sem deildarstjóri í Stapaskóla, auk þess að leysa af sem aðstoðarskólastjóri þetta skólaárið. Birna Ósk er eyjamær en hefur búið í Reykjanesbæ í 19 ár og kallar Reykjanesbæ heim.

Birna Ósk situr í velferðarráði og brennur fyrir líðan og velferð fólks. Það skiptir hana miklu máli að allir fái þann stuðning og þau úrræði sem þeir eiga rétt á.
Menntamál eru henni sérstaklega hugleikin, ekki síst líðan nemenda og fjölbreyttar kennsluaðferðir sem mæta ólíkum þörfum barna.

Birna Ósk leggur einnig mikla áherslu á öflugt tómstunda- og íþróttastarf. Góð og fagleg félagsmiðstöð og fjölbreytt framboð skiptir sköpum fyrir velferð og þroska ungmenna, virkni eykur virkni. Með reynslu sinni af sjálfboðastarfi og þátttöku í íþróttastarfi eigin barna þekkir hún vel mikilvægi þessa starfs. Hún vill beita sér fyrir áframhaldandi uppbyggingu og góðu aðgengi að slíku starfi fyrir öll börn og ungmenni.

Birna Ósk elskar að ferðast, bæði innanlands og erlendis, með fjölskyldu og vinum. Íslensk knattspyrna er stór hluti af lífi fjölskyldunnar og sumrin einkennast oft af ferðalögum tengdum leikjum. Hún hefur einnig mikla ánægju af hreyfingu, sérstaklega að hjóla um fallega bæinn okkar.

Sturluð staðreynd: Það skemmtilegasta sem Birna gerir er að fara á Þjóðhátíð í Eyjum, hún er spenntari fyrir henni en jólunum.

Birna Ósk skipar 14. sæti á lista Framsóknar í Reykjanesbæ fyrir sveitarstjórnarkosningar 16. maí næstkomandi.

karítas lára rafnkelsdóttir

SÁLFRÆÐINGUR HJÁ HSS
15.sæti

Karítas Lára Rafnkelsdóttir er 29 ára. Hún er fædd og uppalin í Reykjanesbæ.
Karítas starfar nú sem sálfræðingur á HSS. Hún er einnig ráðgjafi hjá Hlýjunni, ráðgjafar- og stuðningsþjónustu fyrir ungmenni.

Karítas hefur síðastliðin fjögur ár setið í lýðheilsuráði og öldungaráði Reykjanesbæjar. Karítas brennur fyrir því að nýta þau fjölmörgu tækifæri sem Reykjanesbær hefur uppá að bjóða, með þeim flotta mannauð sem hér býr og fjölbreytileika. Hún leggur áherslu á bætta heilsu íbúa Reykjanesbæjar, og að þeir fái tækifæri til heilsueflingar.

Áhugamál Karítasar er samvera með fólkinu sínu, hvort sem það eru fjölskylda eða vinir. Hún unir sér vel í vatni, þar sem hún meðal annars elskar að fljóta. Henni þykir gaman að lesa, hlusta á tónlist og stunda útivist.

​Karítas Lára skipar 15. sæti á lista Framsóknar í Reykjanesbæ fyrir sveitarstjórnarkosningar 16. maí næstkomandi.

HÓLMFRÍÐUR JENNÝJAR ÁRNADÓTTIR

SVIÐSSTÝRA FJÖLSKYLDUSVIÐS
​16.sæti

Hólmfríður Jennýjar Árnadóttir er 53 ára leik- og grunnskólakennari. Gift Hannesi Jóni Jónssyni, smið og knattspyrnuþjálfara. Hún á fimm börn, þau Kristu Rún, Jennýju Mirru, Alexander Aron, Hjörvar Huga og Jóakim Jarl og þrjú barnabörn. Einnig býr hundurinn Vígir á heimilinu.

Hún er aðflutt, kom suður að norðan fyrir tíu árum til að taka við skólastjórastöðu og hefur einnig unnið sem leikskólastjóri í Reykjanesbæ en starfar nú sem sviðsstjóri í Sveitarfélaginu Vogum. Hólmfríður elskar Reykjanesbæ og þá fjölbreytni og fjölmenningu sem svífur yfir öllu og umvefur allt. Hún brennur fyrir umhverfisvernd, betra náms- og uppeldisumhverfi barna og ungmenna og að samfélagið sé styðjandi við fjölskyldur með minni álögum og auknum félagslegum jöfnuði.

Áhugamál hennar eru að hlaupa, lesa og vera úti í náttúrunni eða færa náttúruna inn í formi pottaplantna!

​Sturluð staðreynd: Hólmfríður vann eina golfmótið sem hún hef tekið þátt í!

HREINN ÁGÚST KRISTINSSON

DEILDARSTJÓRI
​17.sæti

Hreinn Ágúst Kristinsson er 36 ára húsasmíðameistari og byggingafræðingur. Hann er í sambúð með Ágústu Valgeirsdóttur og saman eiga þau þrjú börn á grunnskólaaldri. Sem fagmaður í mannvirkjagerð og fjölskyldufaðir brennur hann fyrir því að skapa gott umhverfi fyrir komandi kynslóðir.

Þótt fjölskyldan hafi ekki búið lengi í Reykjanesbæ, hefur hún fest hér rætur og sér hér sína framtíð. Hreinn Ágúst vill leggja krafta sína og sérþekkingu af mörkum til að gera gott samfélag enn betra. Hans helstu áherslumál snúa að uppbyggingu innviða, skipulagsmálum og öflugu íþróttastarfi, enda telur hann að þessir málaflokkar séu grunnstoðir öflugs bæjarfélags.

Í frístundum sækir hann endurnæringu í útivist, hvort sem það er í fjallgöngum, ferðalögum eða við stang- og skotveiði. Hreinn Ágúst er einnig mikill áhugamaður um knattspyrnu og bara íþróttir almennt.

Sturluð staðreynd: Hreinn Ágúst er mikill keppnismaður og það hefur stundum kostað sitt; hann hefur þrívegis puttabrotnað á íþróttavellinum – einu sinni í fótbolta, einu sinni í handbolta og einu sinni í körfubolta!

​Hreinn Ágúst skipar 17. sæti á lista Framsóknar í Reykjanesbæ fyrir sveitarstjórnarkosningar 16. maí næstkomandi.

STEINUNN VALSDÓTTIR

MARKAÐSFRÆÐINGUR
​18.sæti

Steinunn Ósk Valsdóttir er 34 ára samfélagsmiðlastjóri, fædd og uppalin í Reykjanesbæ þar sem hún hefur búið síðastliðin 20 ár. Þar elur hún upp þrjú börn; þá Gunnar Gauta og Steinar Aron, 14 ára, og Jónínu Svövu, 5 ára. Hún býr með kærasta sínum, Jóhanni Helga, sem er aðfluttur en hefur fallið einstaklega vel að lífinu í Reykjanesbæ.

Steinunn er ný í pólitík en hefur sterkan vilja til að láta gott af sér leiða. Hún vill vera rödd atvinnulífs og nýsköpunar í Reykjanesbæ og leggja sitt af mörkum til að efla samfélagið. Henni er sérstaklega umhugað um að menntað fólk geti fengið störf við hæfi í heimabyggð og þurfi ekki að leita annað. Jafnframt vill hún stuðla að því að fyrirtæki geti byggt upp farsæla starfsemi í bænum og að Reykjanesbær verði aðlaðandi valkostur fyrir metnaðarfull og spennandi fyrirtæki.

Steinunn fagnar fjölbreytileika samfélagsins í Reykjanesbæ og brennur fyrir jafnrétti, geðheilsumálum og málefnum tengdum fíkn. Hún leggur áherslu á að vel sé haldið utan um viðkvæma hópa og að allir fái stuðning og tækifæri til að blómstra.

Steinunn elskar að búa í Reykjanesbæ og sér sig hvergi annars staðar. Hún hefur mikinn áhuga á tísku, sérstaklega second hand og vintage, og nýtur þess að finna einstaka stílfundi með sögu.

Sturluð staðreynd: Steinunn man nákvæmlega hvar hún fékk öll fötin sín jafnvel síðan hún var barn. 
​
Steinunn Ósk skipar 18. sæti á lista Framsóknar í Reykjanesbæ fyrir sveitarstjórnarkosningar 16. maí næstkomandi.

YASMIN PETRA YOUNESDÓTTIR

FRAMHALDSSKÓLANEMI
19.sæti

Yasmin Petra Younesdóttir er 18 ára, en verður 19 ára í sumar. Hún er nemandi við Fjölbrautaskóla Suðurnesja og klárar stúdentspróf af viðskipta- og hagfræðibraut í vor. Hún situr einnig í stjórn nemendafélags skólans.

Yasmin Petru þykir Reykjanesbær mjög dýrmætur og býður sig fram því hún vill sjá
raunverulegar og jákvæðar breytingar í samfélaginu, sérstaklega fyrir ungt fólk. Yasmin Petra vill hafa áhrif og vera rödd sem skiptir máli.

Yasmin Petra æfir körfubolta og hefur spilað með Njarðvík frá 5 ára aldri. Hún hefur líka mikinn áhuga á að ferðast og kynnast nýjum stöðum og menningu.

Sturluð staðreynd: Yasmin Petra hefur slitið þrjú krossbönd á innan við fimm árum, en gefst aldrei upp.

Yasmin Petra skipar 19. sæti á lista Framsóknar í Reykjanesbæ fyrir sveitarstjórnarkosningar 16. maí næstkomandi.

BJARNEY RUT JENSDÓTTIR

LÖGFRÆÐINGUR
​20.sæti

Bjarney Rut Jensdóttir verður 50 ára í nóvember. Hún er með meistaragráðu í lögfræði og er að ljúka annarri meistaragráðu í forystu og stjórnun, með áherslu á verkefnastjórnun og mannauðsstjórnun, núna í júní.

Hún hef síðustu fjögur ár gegnt hlutverki formanns lýðheilsuráðs Reykjanesbæjar, þar sem hún hefur unnið að verkefnum sem snúa að líðan og velferð íbúa.

Bjarneyju Rut er sérstaklega annt um börn og ungmenni. Hún brennur fyrir bættri líðan þeirra og telur mikilvægt að skapa umhverfi þar sem þau fá að blómstra, finna til öryggis og hafa raunveruleg tækifæri til að þróast og dafna. Fyrir henni skiptir máli að hlusta á raddir þeirra og vinna markvisst að lausnum sem styðja við bæði andlega og félagslega vellíðan.

Bjarney Rut nýtur þess að verja gæðastundum með fjölskyldu og vinum. Hún hefur mikinn áhuga á menningu, finnst gaman að fara á tónleika og leiksýningar, einnig finnst henni skemmtilegt að horfa á körfubolta. Þá hefur hún lengi tekið þátt í sjálfboðastarfi og nefndarstörfum. Hún elskar að ferðast og borða góðan mat.

​Bjarney Rut skipar 20. sæti á lista Framsóknar í Reykjanesbæ fyrir sveitarstjórnarkosningar 16. maí næstkomandi.

Kristinn þór jakobsson

fyrrverandi bæjarfulltrúi
​21.sæti

Kristinn Þór Jakobsson er matreiðslumeistari og viðskiptafræðingur með MS-gráðu í stjórnun og stefnumótun. Hann starfaði áður sem innkaupastjóri Reykjanesbæjar.

​Kristinn Þór er kvæntur Ólöfu K. Sveinsdóttur, fv. framkvæmdastjóra Rammagerðarinnar. Þau eiga þrjú börn, þrjú tengdabörn og þrjú barnabörn.

Kristinn Þór hefur brennandi áhuga á samfélaginu og telur að virk þátttaka sé undirstaða lýðræðis. Hann gefur kost á sér fyrir Framsókn til að efla samfélagið okkar enn frekar.

Kristinn Þór elskar að ferðast um landið á buggy-bíl, sérstaklega um slóðir sem eru öðrum bílumófærar.

Sturluð staðreynd: Á yngri árum vann hann á hótelum í miðjum frumskógum Nepal og Indlands!

​Kristinn Þór skipar 21. sæti á lista Framsóknar í Reykjanesbæ fyrir sveitarstjórnarkosningar 16. maí næstkomandi.

jóhann friðrik friðriksson

VARAÞINGMAÐUR
​22.sæti

Jóhann Friðrik Friðriksson, lýðheilsufræðingur og varaþingmaður

Jóhann þekkja flestir en hann var þingmaður Framsóknar í Suðurkjördæmi, bæjarfulltrúi og forseti bæjarstjórnar í Reykjanesbæ. Jóhann er giftur Erlu Hafsteinsdóttur, talmeinafræðingi, og eiga þau þrjú börn og eitt barnabarn. Jóhann er menntaður lýðheilsufræðingur frá Suður-Karólínuháskóla í Bandaríkjunum og hefur látið til sín taka á sviði stjórnmála um langt skeið. Jóhann hefur verið öflugur málsvari Suðurnesja og átt sæti í utanríkismálanefnd, allsherjar- og menntamálanefnd, fjárlaganefnd og þjóðaröryggisráði á síðasta kjörtímabili. Jóhann hefur reglulega komið inn á þing og verið öflugur málsvari svæðisins.

„Ég er alinn upp á Háaleitinu í Keflavík og hef alla tíð verið mjög virkur í félagsstarfi á ýmsum vettvangi. Mér finnst skemmtilegt að vinna með fólki og trúi því að bestu tímar okkar séu framundan hér í Reykjanesbæ. Það er gott að búa í samfélagi sem einkennist af samkennd, virðingu og krafti til athafna.

Ég er stoltur af því öfluga fólki sem skipar lista okkar fyrir komandi bæjarstjórnarkosningar 16. maí. Hópurinn er samansettur af reynslumiklu fólki úr bæjarmálum, atvinnulífi, menningarmálum, íþróttamálum og umhverfis- og skipulagsmálum. Mér finnst líka ánægjulegt að sjá hversu mikið er af nýju fólki og sérstaklega fulltrúum ungu kynslóðarinnar. Framsókn hefur alltaf gefið ungu fólki tækifæri til að láta til sín taka og á því er engin breyting. Reykjanesbær þarf sterka pólitíska forystu og Halldóra Fríða á að vera fyrsti kostur sem næsti bæjarstjóri í Reykjanesbæ.”
​
Sturluð staðreynd: Jóhann Friðrik spila á trommur, er með sólópróf í flugi og dómararéttindi í boccia.